"Реал" юлдуз билан шартнома имзолади – Романо

Футбол дунёсида ишончли манба сифатида танилган инсайдер Фабрицио Романо ярим ҳимоячи Бернарду Силва ҳақида янги маълумот билан ўртоқлашди. 

Унинг ёзишича, португалиялик юлдуз "Реа" билан шартномани расман имзолаб бўлган. Айтилишича, келишув икки мавсумга мўлжалланган бўлиб, уни яна бир муддатга узайтириш имкони ҳам назарда тутилган.

Бернарду Силванинг "Реал"га ўтишига жамоа бош мураббийи Жозе Моуриньо шахсан қизиқиш билдиргани таъкидланмоқда. 

Энди эса Мадрид клубидан расмий эълон чиқишини кутиш қолди, холос.

Август ойида Бернарду Силва 32 ёшни қаршилайди. У "Манчестер Сити сафида тўққиз мавсум ўйнаганидан сўнг, эркин агент сифатида "Реал"га қўшилмоқда.