"Реал" юлдузи Моуриньони ҳайратга солди

Мадриднинг «Реал» клубига яқинда бош мураббий этиб тайинланган Жозе Моуриньо жамоа ярим ҳимоячиси Жуд Беллингем истеъдодининг катта мухлиси ҳисобланади.

Португалиялик мутахассис ҳали Беллингем билан бирга ишлашга улгурмаган бўлса-да, унинг ўйинидан жуда таассурот олгани айтилмоқда. 

Беллингемнинг ўзи ҳам яқинда берган интервьюсида Моуриньони катта ҳурмат қилишини, уни футболда алоҳида ўрин тутадиган мураббий сифатида кўришини таъкидлаган.

Журналист Фабрицио Романо тарқатган маълумотларга кўра, «Реал» раҳбарияти Моуриньо ва Беллингем ҳамкорлигини катта қизиқиш билан кутмоқда. Клуб бошқарувчилари тажрибали мураббий қўл остида инглиз ярим ҳимоячиси янада ўсиш ва юқори натижаларга эришишига ишончи комил.

Эслатиб ўтамиз, Жуд Беллингем 2023 йили «Қироллк клуби» сафига қўшилган эди. Жозе Моуриньо эса 13 йиллик танаффусдан сўнг жорий йил июнь ойида яна мадридликлар бош мураббийи сифатида клубга қайтди.