“Реал” юлдузи пул ортидан кетади

Chery Tigo 7 PRO

“Реал” сардори Начо Фернандес фаолиятини Саудия Арабистонида давом эттирадиган бўляпти.

Тажрибали ҳимоячининг мадридликлар билан амалдаги шартномаси 30 июнь куни якунланади ва у эркин агент сифатида янги жамоага кўчиб ўтиши мумкин.

Marca нашрининг маълум қилишича, испаниялик футболчи “Ал-Иттиҳод” билан келишувга эришди.

Манбага кўра, саудияликлар 34 ёшли футболчига ҳар мавсум учун 20 миллион евро маош кўрсатилган икки йиллик битим таклиф этди.

“Ал-Иттиҳод”да Начонинг “Реал”даги собиқ жамоадоши Карим Бензема ҳам тўп тепади.

Неча “Қироллик клуби”да 12 йил давомида фаолият кўрсатди. Клуб тарбияланувчиси шу пайтга қадар 364 та учрашувда қатнашиб, 16 та гол ва 10 та ассист қайд этган.

Фикрлар

Фикр қолдириш учун авторизациядан ўтинг!