“Реал” юлдузини сотишга рози бўлди

Defensa Central нашрининг хабар беришича, “Реал” раҳбарияти тажрибали ҳимоячи Ферлан Мендини сотиб юборишни режалаштирмоқда.

Transfermarkt портали 27 ёшли франциялик футболчини 40 миллион еврога баҳолаган бўлса-да, мадридликлар Мендини 50 миллион евродан камига қўйиб юбормаслигини маълум қилди.

Мендига Англия премьер-лигасининг бир неча клубларидан жиддий чорловлар бўляпти.

Франция чемпионатида “Гавр” ва “Лион” жамоалари шарафини ҳимря қилган чап қанот ҳимоячиси учун мадридликлар 2019 йилда 48 миллион евро сарфлаган эди. Менди якунланган мавсумда барча турнирларда 35 марта майдонга тушиб, ўз ҳисобига иккита гол ва бешта ассист расмийлаштирди.