"Реал"да нечта ҳужумчи қолди?

"Реал"дан кетаётган футболчиларнинг деярли барчаси ҳужум чизиғида ҳаракат қилишади. Бензема, Мариано, Асенсио ва Азарлар "қаймоқранглилар" сафини тарк этиши аниқ бўлиб улгурди. 

Айни дам "Реал"да фақатгина Винисиус ва Родриголар қолди. Бу икки бразилияликдан ташқари олдинги чизиқда ўйнайдиган ўйинчилар йўқ. Аммо тез орада "Қироллик клуби" 3 та ҳужумчи сотиб олиши мумкин. Улардан бири Кейн бўлиши аниқ. Шунингдек, Хаверц ҳам мадридликлар радарига тушган. 

"Реал"дан кетаётганлардан Бензема ва Асенсиоларнинг кейинги манзили аниқ. Испаниялик вингер ПСЖга ўтса, Карим Саудия Арабистонига йўл олади.