“Реал”га ўтмаганимдан афсусланмайман

“Ювентус”ни бошқараётган Массимилиано Аллегри ўз вақтида “Реал”да ишлаш таклифини қабул қилмаганидан афсумланмаслигини билдирди.

- “Реал”да ишлашга рад жавобини берганимдан ҳеч афсусланмайман. Туринга қайтишдан хурсандман. 10 яшар ўғлим, шу шаҳарда яшаяпти. Мен яна “Ювентус”да ишлашни истадим ва тўрт йил давомида кўзга кўринадиган ишларни амалга оширишни мақсад қилганман. Ҳеч қандай армоним йўқ.

Омадим келди ва юқори савияда ишлаяпман. Шу пайтга қадар ўз ишимдан кўп роҳат олдим, бундан кейин ҳам “Ювентус” билан ана шундай давом этади, - деди Массимилиано Аллегри.

Аллегри 2014-2019 йиллар давомида туринликларни бошқариб, жами 11 та совринни қўлга киритган. Клуб раҳбарияти 2020 йилги омадсиз мавсумдан сўнг, Аллегрини яна ортга қайтарди.