“Реал”га шу футболчи керак бўлса, юз миллион фунт санасин!

“Челси” етакчиси Энцо Фернандес ёзги трансферлар ойнаси даврида жамоасини ўзгартириши жуда кўп муҳокама қилинмоқда.

Sky Sports мухбири Кавех Солхекол “аристократлар” аргентиналик жаҳон чемпионини “Реал”га қайси суммага сотишга тайёрлигига аниқлик киритди.

- Агар “Реал” каби клуб ёзда Энцо Фернандес учун 100 миллион фунт стерлингдан ортиқ таклиф берса, “Челси” бу масалани кўриб чиқади.  Менимча, “Челси” уни мутлақо дахлсиз, деб ҳисобламайди.

Энцо ва унинг агентлари “Реал” ёзда янги ярим ҳимоячи сотиб олишни хоҳлаётганини билишади, - деди Кавех Солхекол.

Энцо Фернандеснинг  “Челси” билан шартномаси 2032 йилнинг 30 июнгача амал қилади. Жорий мавсумда у барча турнирларда 46 та ўйин ўтказиб, 12 та гол урди ва 6 та голли узатма берди.