“Реал”ни биринчи ким тарк этиши маълум бўлди

“Реал” раҳбарияти мавсум якунланиши билан марказий ҳимоячи Хесус Вальехо билан хайрлашадиган бўляпти.

Гарчи жамоада ҳимоячилар етишмовчилиги кузатилаётган бўлса-да, бош мураббий Карло Анчелотти испан футболчисига ишонч билдиряпти. Италиялик мураббий асосий позицияси марказий ҳимоячи бўлган Вальеходан кўра ярим ҳимоячи бўлган Орельен Тчуаменини орқа чизиқда ўйнатишни маъқул топмоқда.

Вальехонинг ўзи ҳам клуб унга ишонмаётганини англаб етган. Ижтимоий тармоқларда кундалик машғулотларини ёритиб бораётган ҳимоячи фавқулодда ўзгариш бўлма-са, барибир Мадридни тарк этишига тўғри келади.

28 ёшли футболчи “Реал”га 2015 йили “Сарагоса”дан 5 миллион еврога трансфер қилинган. Бироқ шундан бери асосий таркибдан муқим жой олгани йўқ. Орада Вальехо “Айнтразт”, “Вулверхэмптон” ва бир неча маротаба “Гранада”да ижарада ўйнаб келди.

Хесус Вальехонинг “Қироллик клуби” билан шартномаси 30 июнь куни тугайди. Клуб футболчи билан хайрлашишга қарор қилгани боис, янги шартнома таклиф қилинмаяпти.