“Реал”ни танлаб хато қилдим

Хаби Алонсо қўл остида кутилганидан камроқ роль ўйнаган “Реал”нинг ушбу футболчиси клубда бахтли эмас.

Трент Александр-Арнольд ўз машҳурлиги кескин тушиб кетган бир неча ойдан сўнг, “Реал”да кутилмаган сценарийга дуч келди. Англиялик ҳимоячи”Ливерпуль”даги юлдузли онларидан кейин Мадридга асосий таркибнинг асосий фигураси сифатида келган эди, аммо ички рақобат уни иккинчи даражали ролга сиқиб чиқарди.

Мадридликлар бу футболчини олишдан аввал уни ўнг қанот ҳимоячиси позициясида ҳужумкор вариантни таъминлайди муҳим фигура сифатида қабул қилганди. Бироқ Трент Испаниядаги дебют мавсумидаёқ Дани Карвахаль ва Феде Вальверде соясида қолиб кетмоқда.

“Реал”да ўйин вақтининг етишмаслиги унинг ўзига бўлган ишончига таъсир қилмоқда, бу эса “Ливерпуль”да ҳал қилувчи роль ўйнашга ўрганган футболчи учун салбий омил ҳисобланади.

Ўз навбатида, Англияда Трент Александр-Арнольд билан боғлиқ вазият бўйича хавотир кучая бошлади. Шу боис, унинг келаси йил ёзда бўладиган жаҳон чемпионатидаги иштирок катта сўроқ остида қоляпти.

Томас Тухель ҳар қайси ўйинчи қанчалар истеъдодли бўлмасин, клубда мунтазам ўйин амалиётига эга бўлиши ва жаҳон чемпионатигача юқори спорт формасини сақлаб қолишини биринчи ўринга қўйишини барчага маълум қилди.

Шундан келиб чиқиб, Трент мураккаб вазиятга тушиб қолган. Унинг яқинлари ҳимоячи “Ливерпуль” билан шартномани узайтирмай, Мадрид клуби танлаганидан пушаймон бўла бошлаганини айтишяпти.