“Реал”нинг икки ўйинчисини 120 миллион еврога оламиз!

Англиянинг амалдаги чемпиони “Ливерпуль” Мадриднинг “Реал” клуби ярим ҳимоячиси Эдуардо Камавинга билан шартнома имзолашга уринишларда сезиларли устунликка эга бўлди.

Мерсисайдликлар француз футболчисини келаси ёзда 50 миллион евро эвазига сотиб олишлари мумкинлигини маълум қилишди.

Бу ҳақда TEAMtalk нашри хабар бермоқда.

Манба маълумотига кўра, инглиз клуби мадридликларнинг марказий ҳимоячиси Дин Хёйсенга ҳам қизиқиш билдирмоқда.

“Ливерпуль” ўтган ёзда “Борнмут”дан “Реал Мадрид”га ўтган футболчи учун 70 миллион евро тўлашга тайёр.

Таъкидланишича, “Қироллик клуби” фойдали таклиф бўлган тақдирда Хёйсенни ҳам сотиб юбориш имкониятига  қизиқиш билан қарамоқда.

Жорий мавсумда Камавинга барча турнирларда 31 та ўйинда иштирок этдиб, икки гол ҳамда битта голли узатма муаллифи бўлди. Футболчининг клуб билан амал қилаётган меҳнат шартномаси 2029 йилнинг ёзигача мўлжалланган.

Transfermarkt порталида келтирилган маълумотларга кўра, футболчининг бозор қиймати 50 миллион еврони  ташкил қилади.