Ренье Де Риддер жуда ҳам кучли рақибни жангга чорлади

Нидерландиялик UFC жангчиси Ренье Де Риддер АҚШ вакили Халил Раунтрига қарши октагонга чиқишни истамоқда.

"Бу сафар рейтингда ТОП-10 да турган йигит билан жанг қилмоқчиман. Кимга қарши чиқишимнинг фарқи йўқ. Бироқ кучимни баҳолаб олишим учун Халил Раунтри жуда зўр вариант бўларди! Роберт Уиттакер билан эса бир марта жанг қилганимнинг ўзи етарли. Рейтингда бошқа қизиқарли рақиблар жуда кўп", — деди Ренье.

Эслатиб ўтамиз, "UFC Fight Night 285" турнирида Де Риддер биринчи раунддаёқ Роман Долидзени мағлуб этди.