Рейндерс: "Мен янги де Брюйне эмасман"

"Манчестер Сити" ярим ҳимоячиси Тижани Рейндерс Кевин де Брюйне билан солиштиришлар ҳақида фикр билдирди. Нидерландиялик футболчи ўтган ёзда "шаҳарликлар" сафига қўшилган эди. Шунда де Брюйне жамоани тарк этиб, "Наполи"га эркин агент сифатида ўтган.

"Вулверхэмптон"га қарши дебютимдан сўнг таҳлилчилар менинг ўйинимни де Брюйне билан солиштиришди. Албатта, бу мен учун катта комплимент, лекин менинг ролим бошқача, сифатларим ҳам турлича. "Манчестер Сити"га келганимдан сўнг мени кўп маротаба Кевин билан солиштиришди ва мен доим такрорлайман: мен янги де Брюйне эмасман.

Мен кўп қиррали ярим ҳимоячиман, лекин ўзимни энг кўп  "еттилик"да кўраман — ҳимоя ва ҳужум орасида ҳаракат қилувчи бокс-ту-бокс ярим ҳимоячи. Менга ҳужумларни қуриш ва уларни якунлаш жараёнида иштирок этиш ёқади", – деди Рейндерс.