Ришарлисон қишда Мерсисайд клубига ўтиши мумкин

"Teamtalk" нашрининг хабар беришича, "Тоттенхэм" форварди Ришарлисон фаолиятини яна бир инглиз клубида давом эттириши мумкин. Манбага кўра, 28 ёшли бразилиялик футболчининг трансферига "Эвертон" қизиқиш билдирган.

"Шпорлар" Ришарлисонни қишки трансфер ойнасида сотиш вариантини кўриб чиқишга тайёр. Таъкидлаш жоизки, бразилиялик футболчи аввал ҳам Ливерпуль шаҳридан жой олган мазкур жамоа шарафини ҳимоя қилган эди.

Жорий мавсумда Ришарлисон "Тоттенхэм" сафида 13 та учрашувда майдонга тушиб, 3 та гол урди ва 1 та голли узатма амалга оширди. Унинг клуб билан тузган шартномаси 2027 йилнинг ўрталаригача мўлжалланган, бозор қиймати эса тахминан 25 миллион еврога тенг.