Роберт Уиттакер 2025 йилнинг ёзигача жанг ўтказа олмайди

Ўрта вазн тоифасида собиқ UFC чемпиони Роберт Уиттакер Хамзат Чимаевдан енгилгач 2025 йилнинг июнига қадар жангларда қатнаша олмаслиги маълум бўлди. Бу ҳақда австралияликнинг мураббийи Алекс Пратес айтиб ўтди.

“Роберт Хамзат билан жангдан сўнг тишига олтита янги имплант қўйдирди ва машғулотларни бошлади. Аммо ҳозирда спарринг шериксиз ўтказмоқда. Кўпроқ муай-тай ва кардио билан шуғулланяпти. Менимча, уни келаси йилнинг июн ойигача октагонда кўрмаймиз", – деди Пратес.

Эслатиб ўтамиз, "UFC 308" да Уиттекер биринчи раунддаёқ Чимаевдан сабмишн эвазига мағлуб бўлганди.