Родри ўзига жамоа танлади

“Манчестер Сити”нинг энг машҳур юлдузларидан Родрининг келажаги мавҳум бўлиб турибди. “Олтин тўп” соҳибини “Реал” анчадан бери ўз сафига қўшиб олишга интиляпти.

“Шаҳарликлар” эса, испан футболчисининг охирги икки мавсумдаги жароҳатларидан кейин унга янги битим беришга шошилмаётган эди.

Энди вазият ўзгаргани айтилмоқда. “Манчестер Сити” клуби Родрини жамоада сақлаб қолмоқчи.

TEAMtalk маълумотларига кўра, манчестерликлар яқин ойларда испаниялик футболчи билан шартномани узайтириш бўйича музокараларни қайта бошлашни режалаштирмоқда. Ҳар икки томон ҳам янги келишувга очиқ.

Режага кўра, янги шартнома ёз ойларида расман имзоланади. Родри 2019 йили Мадриднинг “Атлетико” клубидан “Манчестер Сити”га 70 миллион евро эвазига кўчиб ўтган эди. Унинг амалдаги шартномаси 2027 йилнинг 30 июнигача мўлжалланган.

Жорий мавсумда ярим ҳимоячи «шаҳарликлар» сафида барча турнирларда 12 та ўйин ўтказиб, 1 та гол муаллифи бўлди. Transfermarkt портали испаниялик футболчининг бозор қийматини 75 миллион евро деб баҳоламоқда.