Родрининг "Реал"га трансфери тафсилотлари очиқланди

The Athletic нашри журналисти Давид Орнштейн хабарига кўра, «Реал Мадрид» ярим ҳимоячи Родрини қўлга киритиш бўйича ишларни бошлаб юборган. Ҳозирча «Реал» ва «Манчестер Сити» ўртасида расмий музокаралар ўтказилмаган, аммо мадридликлар ёзги трансфер ойнасининг ўзидаёқ футболчини имзолашни мақсад қилган.
 

«Манчестер Сити» эса Родрини жамоада сақлаб қолиш ниятида. Манчестер клуби раҳбарияти Испания терма жамоаси сардори янги шартнома имзолаш-имзоламаслигидан қатъи назар, жамоада қолишига умид қилмоқда.
 

Орнштейн ушбу материални The Athletic нашри учун Марио Кортегана билан ҳамкорликда тайёрлаган. Кортегана маълумотига кўра, «Реал» Родри трансфери бўйича келишувга эришишга катта ишонч билдираётгани қайд этилган.
 

Родрининг «Манчестер Сити» билан амалдаги шартномаси 2027 йил июнига қадар мўлжалланган.