Рожерс ўзаро тўқнашувда Райс билан жанжаллашгани ҳақида гапирди

«Челси» ярим ҳимоячиси Морган Рожерс Лондон дербисида «Арсенал» футболчиси Деклан Райс билан юз берган тортишув ҳақида гапириб берди. Учрашув пайтида Райс Рожерсга нисбатан қоида бузган, шунинг ортидан «Челси» ўйинчиси рақибини туртиб юборган эди.

«Ўйиндан кейин ўтириб гаплашдик, қўл бериб кўришдик. Ҳаммаси жойида. Бундай ўйинларда ҳамма ғалаба қозонишни истайди. Баъзан ҳис-туйғулар устун келади, лекин ҳеч қандай муаммо йўқ», – дея Рожерснинг сўзларини The Mirror нашри келтиради.

Кейинчалик ижтимоий тармоқларда ушбу вазият юзасидан турли мема ва ҳазиллар тарқалди. Ҳатто сунъий онг ёрдамида футболчилар гўёки кийиниш хонасида жанжаллашгани тасвирланган монтажланган видео ҳам яратилди.

«Бу видеоларни менга юборишганда анча кулгили туюлади. Ҳозир сунъий онг бутунлай янги босқичга чиқяпти. Сен қилган ҳар қандай ҳаракат исталган контентнинг бир қисмига айланиб қолиши мумкин. Агар бу мен ҳақимда бўлса, шунчаки кулиб қўяман», – деди Рожерс.

Эслатиб ўтамиз, сўнгги трансфер ойнасида Рожерс «Арсенал»га ўтиши мумкин эди. Бироқ молиявий келишув борасидаги келишмовчиликлар туфайли трансфер амалга ошмай қолди.