"Roland Garros". Грандлари турнир билан хайрлашишни бошлади

"Катта дубулға" туркумига кирувчи навбатдаги мусобақа ҳисобланувчи "Roland Garros" турнирида фаворитлар курашга қўшилди.

Турнир аввалида кучлилар сафида эътироф этилган Энди Маррей ўзининг илк учрашувидаёқ турнир билан хайрлашди. Ўзи каби кучли ракетка устаси Станислас Вавринка билан ушбу босқичда дуч келиб қолган британиялик швейцариялик рақибига ортиқча муаммо туғдира олмади. Якуний ҳисоб: 6:1, 6:3, 6:2.

Шунингдек, хорватиялик Борна Чорич ҳам ўз юришини тўхтатишга мажбур бўлди. Словакиялик Норберт Гомбошга қарши кортга чиққан Борна 6:4, 3:6, 6:3, 6:4 ҳисобида ютқазди. Баҳс давомида эйслар, биринчи тўпдаги самарадорликда устунлик қилган, қўшхатоларга камроқ йўл қўйган Чорич якунда ракеткаларини ғилофга жойлашга мажбур бўлди.

Бироқ бир қанча юқори рейтингдаги ракетка усталари ушбу босқичдан муваффақиятли ўтиб, ўзларига билдирилган ишончни оқлай олишди. Жумладан, Александр Зверев австриялик Деннис Новакни 3 сет ҳисобида мағлуб этди. Ўйин немис теннисчисининг 7:5, 6:2, 6:4 ҳисобидаги ғалабаси билан тугади.

Бундан ташқари, Римдаги "Мастерс" турнири финалчиси Диего Шварцман ўта хотиржамлик билан сербиялик Миомир Кечманович устидан зафар қучди. 3 сет давомида атиги 4 та гэймни бой берган Шварцман 6:0, 6:1, 6:3 ҳисобида "қўлларини қиздириб олди".

Фикрлар

Фикр қолдириш учун авторизациядан ўтинг!