"Roland Garros". Надаль ярим финалда, Медведев тўхтатилди

"Катта дубулға" туркумига кирувчи Франция очиқ чемпионатида чорак финал баҳслари ўтказилмоқда.

Ярим финал йўлланмаси учун кечган курашда турнирнинг асосий фаворитларидан бири, испаниялик Рафаэль Надаль аргентиналик Диего Шварцманга қарши кортга чиқди. 4 сет давом этган ўйин Рафанинг 6:3, 4:6, 6:4, 6:0 ҳисобидаги ғалабаси билан якунланди.

Яна бир беллашувда юнон спортчиси Стефанос Циципас мусобақанинг иккинчи рақам остида сараланган теннисчиси Даниил Медведев билан ўзаро муносабатларга ойдинлик киритиб олди. Ўз ўйинини кўрсата олмаган Медведев 6:3, 7:6(6:3), 7:5 ҳисобида имкониятни бой берди.

Шунингдек, германиялик Александр Зверев Испания шарафини ҳимоя қилган Алехандро Давидович-Фокинани ортиқча қийинчиликсиз мағлубиятга учратди. Немис ракетка устаси 3 сетда жами 6 гэймни бой берди, холос. Якуний ҳисоб - 6:4, 6:1, 6:1.