"Рома" Элдор Шомуродов ўрнига АПЛдан хужумчи олиб келмоқда
Элдор Шомуродов ва Тэмми Абрахамни сотиб юборган "Рома" Англия Премьер-лигасидан ёш ва иқтидорли хужумчини ижарага олмоқда.
Гап шундаки, "Брайтон" хужумчиси Эван Фергюсон фаолиятини римликлар клубида давом эттиришга яқин. Фабрицио Романо берган маълумотларга қараганда, ирландиялик футболчи янги мавсумни ижара асосида А Серия жамоасида ўтказади.
"Бўрилар" унинг АПЛ жамоасида олган маошини тўлашга тайёрлигини билдирган. Томонлар музокараларнинг сўнгги босқичига етиб келган. Фергюсон 2024/25 йилги мавсумнинг иккинчи ярмини "Вест Хэм"да ижара асосида ўтказган эди. Унинг "чайкалар" билан амалдаги шартномаси 2029 йилнинг ёзида якунига етади.
Маълумот ўрнида, 20 ёшли форвард якунига етган мавсумда умумий 23 та ўйинда майдонга тушиб, 1 дона гол урган.
Фикрлар