"Рома" рақибини тор-мор келтирди. Шомуродов...

Италия А Серияси 2-тури доирасидаги "Салернитана" - "Рома" учрашуви ўз ниҳоясига етди. Унда римликлар 4:0 ҳисобида зафар қучди.

Лоренцо Пеллегрини дубль қайд этган бўлса, Тэмми Абрахам ва Жордан Верету бир маротабадан ўз номини таблога ёздириб қўйишга муваффақ бўлди. Легионеримиз Элдор Шомуродов 78-дақиқада захирадан ўйинга қўшилди.

Мазкур ғалаба натижасида "бўрилар"нинг очколари 6 тага етди ва энди улар онлайн жадвалда 3-ўринда бормоқда.

• 90+3'
  

  Учрашув якунланди. "Рома" меҳмонда рақибини тор-мор келтирди!

• 90+2'

  Шомуродовга пас бериши мумкин бўлган Майораль зарба берди ва тўп ҳимоячиларга тегди. Элдор эса бир четда қулай позицияда турганди.

• 90+1'

  Қўшимча дақиқаларнинг дастлабкисини мезбонлар ҳужумда ўтказди.

• 90'
  

  Ўйиннинг асосий вақтига 3 дақиқа қўшиб берилди.

• 87'

  ЭҲ! Жарима майдони ичидан зарба берган Шомуродов мўлжалда бироз адашди.

• 85'

  Захирадан баҳсга қўшилган футболчилар "Рома" ўйинига фаоллик қўшишга ҳаракат қилмоқда. 

• 83'
  

  "Рома" сафида Абрахам, Верету ва Винья ўрнига Майораль, Диавара ҳамда Калафиори майдонга тушди.

• 81'

  Моуриньо шогирдлари ўйинни ўз назорати остида ушлаб турибди.

• 79'
  

  ГОООООООООООЛ! "Рома" ҳисобдаги фарқни оширди!

  Пеллегрини чиройли зарба билан дарвозани ишғол этмоқда!

• 79'

  Абрахам билан комбинация уюштирган Элдор тўпни олдириб қўйди.

• 78'
  

  Шомуродов Карлес Перес ўрнига майдонга тушди.

• 75'

  Тўлиқ устунлик "бўрилар" томонда бўлиб турибди.

• 73'
  

  Бурчакдан оширилган тўпни Абрахам дарвозага йўллай олмади.

• 72'
  

  Пеллегрини йўллаган зарбани дарвозабон қайтарди.

• 70'
  

  Гейнрих Мхитарян ўз ўрнини Стефан Эл-Шааравига бўшатиб берди.

• 69'
  

  ГОООООООООООЛ! "Рома" ҳисобни йирик кўринишга келтирди!

  Тэмми Абрахамнинг кучли зарбасини дарвозабон қайтара олмади!

• 67'

  Беллашув темпи яна пастлади. Балки ўзгаришлар ўйинни ўзгартирар.

• 64'
  

  Веретунинг зарбасидан сўнг дарвозабон жамоасини голдан сақлаб қолди.

• 63'

  Мезбонларнинг кам сонли ҳужумларидан навбатдагиси муваффақиятсиз якунланди. Тўп Патрисиунинг қўлига бориб тушди.

• 60'

  Переснинг кучли зарбасидан кейин тўп Абрахамнинг юзига тегди.

• 58'

  "Бўрилар" орқа чизиқда тўпни назорат қилмоқда.

• 56'
  

  Мезбонлар таркибида Лассана Кулибали ўз ўрнини Симеон Нванквога бўшатиб берди.

• 54'

  Бонаццолининг уринишидан сўнг тўп бироз ноаниқ кетди.

• 52'
  

  ГООООООООООООООЛ! "Рома" дарҳол иккинчи тўпни киритди!

  Жарима майдони ичида тўпни қабул қилиб олган Верету дарвозабонга имконият қолдирмади.

• 50'

  Ҳисобни очган римликлар фаол ўйин намойиш этишда давом этмоқда.

• 48'
  

  ГООООООООООЛ! Учрашувда ҳисоб очилди!

  Чап қанотдан уюштирилган ҳужумни Пеллегрини муваффақиятли якунлади!

• 46'

  Карлес Переснинг зарбаси устун ёнгинасидан ўтиб кетди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз.

• 45'
  

  Танаффус!

• 42'

  Бўлим сўнгида ҳар икки томон фаоллик кўрсатишга ҳаракат қилмоқда.

• 40'
  

  Карлес Перес огоҳлантирилди.

• 39'

  Мезбонлар ўз жарима майдонини яхши қўриқламоқда.

• 36'

  Ўйин римликларнинг назорати остида давом этмоқда.

• 34'

  Тэммининг бу сафарги зарбасига аниқлик етишмади.

• 33'

  Жарима майдонига етказиб берилган тўп Абрахамгача етиб келмади.

• 31'

  Жарима майдонига ёриб киришга ҳаракат қилган Карлес Перес тўхтатилди.

• 29'

  Кулибалининг жарима майдони ташқарисидан берган зарбаси ноаниқ кетди.

• 28'

  Сўнгги бир неча дақиқада мезбонлар ҳам бироз фаоллашиб қолди.

• 26'

  Ўйин темпи бироз пасайди. Тезкор гол ура олмаган римликлар бироз темпни пасайтирди.

• 23'

  Қанотда Абрахам тўпни марказдаги шерикларига ўтказа олмади. Бурчак зарбаси.

• 21'

  Мхитаряннинг уриниши манзилга аниқ бормади.

• 19'
  

  Манчинининг бош билан йўллаган зарбасини дарвозабон қайтарди.

• 17'

  Яқин масофадан меҳмонлар вакилининг берган зарбаси ноаниқ кетди.

• 15'

  Тэмми Абрахамнинг зарбасига аниқлик етишмади.

• 14'

  "Салернитана" футболчилари бутун жамоа бўлиб ҳимояланмоқда.

• 12'
  

  "Рома" навбатдаги бурчак зарбасидан наф чиқара олмади.

• 10'

  Меҳмонлар қанотлардан жарима майдонига кросслар узатмоқда.

• 8'

  Моуриньо шогирдларининг босими рақибни шошириб қўймоқда.

• 5'

  Тўлиқ устунлик римликлар томонда бўлиб турибди.

• 3'
  

  Абрахам рақиб жарима майдони ичида қоида бузди ва "Рома"нинг ҳужуми муддатидан олдин якунланди.

• 2'
  

  Матиас Виньянинг зарбасини дарвозабон қайтарди.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.