“Рома”дан ҳайдалган юлдуз рақиб жамоага ўтади

Қишки трансферлар вақтида Николо Дзаньоло “Рома”ни тарк этишга мажбур бўлганди. Вазиятдан чиқиш учун Италия терма жамоаси ўйинчиси Туркия чемпионатига йўл олишига тўғри келган.

Энди “Галатасарой”дан яна А Серияга қайтиш имконияти туғилди.

Tuttosport нашрининг маълум қилишича, “Милан” 23 ёшли футболчини ўз сафига қўшиб олишга тайёр. Миланликлар бу футболчини “Реал”дан олинган Браис Диасга ўринбосар сифатида олиб келмоқчи. Чунки Диас мавсум якунланиши билан Мадрид клубига қайтади.

Николо Дзаньоло турклар билан 2027 йилнинг ярмигача давом этадиган шартномага эга. У Туркия Суперлигасида иккита учрашувда қатнашиб, битта гол урди.