“Roma”ga qattiq zarba bo‘ldi

“Roma” etakchilaridan biri Nikolo Dzanoloning Evropa ligasidagi diskvalifikatsiyasi yana ikkita uchrashuvga uzaytirildi. Bu haqda La Gazzetta dello Sport ma’lum qildi.

Evropa ligasining uchinchi turida “Roma” o‘z maydonida “Betis”ga qarshi bahsda to‘psiz raqibini urgani uchun to‘g‘ridan-to‘g‘ri qizil karochka olib, maydondan haydalgandi. Hujumkor futbolchi bu jamoalarning Ispaniyadagi o‘yinini o‘tkazib yubordi.

Biroq, UEFA tartib-intizom qo‘mitasi italiyalik futbolchining diskvalifikatsiyasini yana ikki o‘yinga uzaytirdi.

Buning oqibatida Dzanolo rimliklarning “Ludogorets” va XIK jamoalariga qarshi uchrashuvlarini ham o‘tkazib yuborishga majbur bo‘ladi.

“Roma” rahbariyati diskvalifikatsiya bo‘yicha apellyatsiya berishga qaror qilgan.