Романо: Эндрик "Реал"ни тарк этиши мумкин

"Реал"нинг 19 ёшли ҳужумчиси Эндрик Хаби Алонсо қўл остида ҳали умуман майдонга тушмади. "Қаймоқранглилар" 2024 йилда 47.5 миллион еврога сотиб олган бразилиялик ёш талантнинг захирада ўтириши кўплаб саволларни келтириб чиқармоқда. 

Ла Лиганинг 9-туридан ўрин олган "Хетафе"га қарши ўйинда Эндрик яна захирада қолдирилди. Иккинчи таймда футболчилар қизиб олиш машқларини бажариб бўлишанидан кейин, у яна майдонга тушмаслигини билди ва жойига келиб ўтираётган пайтида сув идишини жаҳл билан тепган. Буни эса Алонсо кўрган ва унга футболчининг бу ҳаракатлари ёқмади.

Фабрицио Романо хабар беришича, ҳужумчи қишки трансферлар ойнасида жамоани тарк этиши мумкин. У кўпроқ ўйин амалиёти хаҳламоқда. Шунингдек, 2026 йилги Жаҳон чемпионатида ўйнашни истайди.

Мадрид клуби ҳам таклифларга очиқ. "L'Equipe" нашри эса аввалроқ, "Марсель"дан қизиқиш борлиги ҳақида ёзганди.