Ромеро нега Трампга қўл узатмади?

Аргентина терма жамоаси ҳимоячиси Кристиан Ромеро жаҳон чемпионати финалидан сўнг ўтказилган тақдирлаш маросимида АҚШ президенти Дональд Трамп билан қўл сиқишдан бош тортди.

Эслатиб ўтамиз, ҳал қилувчи баҳсда Аргентина Испанияга қарши майдонга тушди ва қўшимча дақиқаларда киритилган ягона гол ҳисобни белгилаб қўйди – 0:1.

«Тоттенхэм» клуби шарафини ҳимоя қиладиган Ромеро медаль олиш учун саҳнага кўтарилганида, аввало ФИФА президенти Жанни Инфантино билан қўл сиқишди. Инфантино аргентиналик футболчининг бўйнига иккинчи ўрин медалини тақди. Шундан сўнг Ромеро навбатда турган Дональд Трамп олдидан тўхтамасдан ўтиб кетди ва унга қўл бермади. 

Ромеродан олдин подиумга чиққан ҳужумчи Хулиан Альварес эса ҳам Инфантино, ҳам Трамп билан қўл сиқиб, уларни одатий тарзда қутлаб ўтди.

Тақдирлаш маросими давомида Дональд Трамп Испания терма жамоасининг ғалаба лаҳзаларидан ҳам фаол кўринди: у жаҳон кубогини ғолибларга шахсан топширди ва испан футболчилари чемпионлик суратга тушаётганида ҳам саҳнадан узоқ вақт кетмай турди.