Роналдо: "Бразилиянинг ўйинидаги ҳаяжон сезилиб турди"

Бразилия терма жамоасининг собиқ ҳужумчиси Роналдо Жаҳон чемпионатида Марокашга қарши баҳсдан кейин ҳам жамоанинг имкониятларига ишонаётганини айтди.

Афсонавий футболчи фикрича, биринчи турдаги 1:1 ҳисобидаги дурангга асосий сабаб футболчиларнинг ҳаяжони бўлган.

"Мен ҳали ҳам жуда оптимистман. Менимча, биринчи ўйин босими ўз таъсирини кўрсатди. Айниқса биринчи бўлимда жуда кўп ноаниқ узатмалар бўлганини кўрдик. Бу одатий ҳолат эмас.

Айрим вазиятларни тушуниш қийин эди, аммо иккинчи бўлимда жамоанинг ўйини анча яхшиланди.

Ўйлашимча, ҳаяжон Бразилия терма жамоасига жиддий таъсир қилди.Анчелотти ва футболчиларнинг интервьюларини кўрдим, улар ҳам бу босимни ҳис қилганларини тан олишди. Шундан кейин мен ҳам хотиржам бўлдим.

Ахир бу Жаҳон чемпионати. Бундай ҳаяжонни ҳамма ҳис қилади, айниқса илк бор мундиалда иштирок этаётган футболчилар.

Марокаш терма жамоаси ҳақида ҳам алоҳида тўхталиш керак. Улар тезкор, жисмонан кучли ва жуда яхши ташкиллашган жамоа. Бизга қарши кучли рақиб майдонга тушди", — деди Роналдо.

Эслатиб ўтамиз, Бразилия терма жамоаси гуруҳ босқичининг иккинчи турида 20 июнь куни Гаитига қарши баҳс олиб боради.