Роналдо ўзи билан ўйнаган энг зўр икки футболчи номини айтди

Бразилия терма жамоаси юлдузи Роналдо футболчилик даврида ўзи бирга ўйнаган энг маҳоратли чарм тўп усталари номини айтди.

- Мен бирга ўйнаган энг зўр ўйинчи икки нафар. Бири Роналдиньо, у билан Бразилия терма жамоаси шарафини ҳимоя қилганмиз.

Клуб миқёсида энг яхши ўйинчи Зинедин Зидан. Зиданнинг турган-битгани маҳорат, у бошқача ўйинчи, техникаси зўр, ҳамма нарсани оддийгина бажариб қўярди, - деди Роналдо.

Роналдо профессионал фаолияти давомида “Крузейро”, ПСВ, “Барселона”, “Интер”, “Реал”, “Милан” ва “Коринтианс”да ўйнаб, клублар миқёсида 735 та учашувда 512 та гол урган.

Айни пайтда Роналдо Испаниянинг “Вальядолид” клуби эгаси ҳисобланади.