Роналдо терма жамоага машҳур мураббийни олиб келади

“Реал” ва “Милан”да порлаган бразилиялик ҳужумчи Роналду ўз мамлакати миллий терма жамоаси бош мураббийлигини Карло Анчелоттига топшириш кераклигини таъкидлади.

Relevo нашрининг ёзишича, Роналдо 2026 йили мартда Бразилия футбол федерацияси президентлиги учун сайловга ўз номзодини қўяди.

Агар у сайловда ғолиб чиқиб, миллий терма жамоа бошқарувига италиялик мутахассисни олиб келади. Бунинг учун Роналдо Анчелотти билан дўстона алоқаларини ишга солишга ҳам тайёр.

Роналдо тажрибали мураббийнинг “Реал”даги шартномаси якунлашини кутишга тайёр. Шу боис, у 65 ёшли мутахассиснинг Мадрид клуби билан йўли айрилганидан кейингина мулоқотга киришмоқчи.

Анчелоттининг “Қироллик клуби” билан шартномаси 2026 йилнинг 30 июнида тугайди.