Роналдо: У мен учун энг яхши футболчи

Афсонавий Роналдо "Олтин Тўп" учун курашда Винисиус Жуниорни қўллаб-қувватлади.

"У жорий мавсум "Реал Мадрид"да ҳал қилувчи ролни ўйнади. Мен учун бугунги кунда у дунёдаги энг яхши футболчи. Винисиус билан футбол ва баъзи мавзулар ҳақида кўп гаплашаман. Менимча, Винисиус аллақачон "Олтин Тўп"га лойиқ. Унинг вақти келди", - деди Роналдо.

Маълумот учун, жорий мавсум барча мусобақаларда 24 та гол урган 23 ёшли футболчи "Олтин Тўп"га  асосий давогалардан бири ҳисобланади. Агар Винисиус совринни қўлга киритса, Кака, Роналдиньо, Ривалдо ва Роналдодан кейин ушбу совринга эга чиққан бешинчи бразилиялик футболчига айланади.