Роналду 952-голини урди, Мессиники нечта?

Футбол олами яна икки буюк замонавий футболчи — Криштиану Роналду ва Лионель Месси рақобатини муҳокама қилмоқда.

Криштиану Роналду Саудия Арабистони чемпионати доирасида “Ал-Фейҳа”га қарши учрашувда дубль қайд этиб, риёдликларнинг 2:1 ҳисобидаги ғалабасини таъминлади. 40 ёшли ҳужумчи фаолиятидаги умумий голлари сонини 952 тага етказди.

Лионель Мессининг МЛС плей-оффидаги ишлари кутилганидек чиқмади. “Интер Майами” футболчилари плей-оффнинг биринчи босқичида “Нэшвилл”га 1:2 ҳисобида ютқазди. Мессининг суперголи жамоага фойда келтиргани йўқ.

Аммо аргентиналик футболчи карьерасидаги голлар сонини 892 тага етказди. Энди кейинги босқичга чиқиш тақдири 8 ноябрдаги ҳал қилувчи учинчи ўйинда аниқланади.

Ассистлар сони бўйича эса устунлик Мессини томонида. Саккиз карра “Олтин тўп” соҳиби жамоадошларига 399 голли пас узатган. Бу борада Роналду 259 та самарали узатмага эга.