Роналду ҳаммага таъсир ўтказяпти

Португалия бош мураббийи Роберто Мартинес Криштиану Роналдунинг терма жамоага ижобий таъсири ҳақида гапирди.

“Роналдунинг менталитети уни ҳаммадан ажратиб туради. Одатда футболчилар ёши ўтгани сайин, аввалига психологик жиҳатдан енгилади, кейин уларнинг жисмоний ҳолати  босимга бардош беролмай қолади ва уларнинг миясида фаолиятни якунлаш ҳақида қарор туғилади.

Терма жамоа Роналдуга керак бўлган нарса. Мен унинг муҳим футболчи бўлишга ва ўрин учун курашишга тайёр эканлигини кўрдим. У ҳаммага катта таъсир кўрсатади.

Ҳеч ким уни 39 ёшда деб ўйламайди. У ғалаба қозонишни хоҳлайди ва ҳар бир дақиқадан ўзини яхшилаш учун фойдаланади. Жамоага эндигина қўшилган ёш футболчи учун бундан-да яхши намуна бўлмаса керак”, - деди испаниялик мураббий.