Роналду: "Ҳозирги дамдан завқланяпман"

Португалия терма жамоаси ва "Ан-Наср" клуби сардори Криштиану Роналду журналистларнинг Америка қитъасидаги мундиал сўнггиси бўладими, деган саволига жавоб берди.

"Бўлғуси Жаҳон чемпионати мен учун охиргиси бўладими ёки йўқ, аниқ айта олмайман. Балки шундай ҳам бўлар. Сабаби, 41 ёшга тўламан. Аввал айтганимдек, айни дамда футболдан завқланяпман. Қачонки, ўз ўйинимдан кўнглим тўлмасагина фаолиятимни тугатиш ҳақида ўйлайман", - деди португалиялик форвард.

Эслатиб ўтамиз, Роналду илк бор 2006 йилда Германия яшил майдонларида бўлиб ўтган Жаҳон чемпионатида иштироқ этганди.