Роналду жамоасини қутқариб қолди

Саудия Арабистони Профессионал лигасининг 2026/27 мавсуми 4-туридан ўрин олган «Ан-Наср» ва «Ат-Таавун» ўртасидаги учрашув қаҳрамони Криштиану Роналду бўлди.

Учрашув Ар-Риёддаги «Ал-Аввал Парк» стадионида бўлиб ўтди ва унда мезбонлар 2:1 ҳисобида ғалаба қозонди.

Ўйиннинг 11-дақиқасида «Ат-Таавун» ҳимоячиси Бассам Ал-Хурайжий ҳисобни очди.

Биринчи бўлимга қўшиб берилган вақтда «Ан-Наср» ярим ҳимоячиси Саму Кошта ҳисобни тенглаштирди.

50-дақиқада эса ҳужумчи Криштиану Роналду мезбонларга ғалаба голини урди.

Про-лигадаги тўртта турдан кейин «Ан-Наср» 12 очко жамғариб, биринчи ўринда бормоқда. «Ат-Таавун» эса 2 очко билан 15-ўринда.

Кейинги турда «Ан-Наср» 5 сентябрда асосий рақибларидан ҳисобланган  «Ал-Иттиҳод» билан ўйнайди. «Ат-Таавун» эса шу куни «Ал-Фатҳ»га қарши майдонга тушади.