Роналду катта трансферни ҳал қилиб берди

“Ан-Наср” раҳбарияти “Манчестер Сити” плеймейкери Кевин де Брюйне келаси ёзда жамоа сафига қўшилишига ишонч билдирмоқда. Саудия Арабистони клуби бельгиялик футболчига Криштиану Роналду тавсия қилган маош кўрсатилган шартнома берадиган бўлди. 

TEAMtalk нашрининг ёзишича, портагулиялик юлдуз клуб хўжайинларидан Кевин де Брюйнега ҳафтасига бир миллион фунт миқдорида маош тўлашни таклиф қилган. 

“Ан-Наср” бунга розилик берди ва улар АҚШ клублари томонидан жиддий қизиқишлар бўлаётганига қарамай, 33 ёшли ўйинчини Саудия Арабистонига келишига амин эканликларини таъкидлашмоқда.