Роналду мухлисларига яна бир хушхабар!

Халқаро футбол тарихи ва статистикаси федерацияси (IFFHS) “Ювентус” ҳужумчиси Криштиану Роналдуни XXI асрнинг миллий чемпионатлардаги энг яхши тўпурари, деб эълон қилди.

Португалиялик ҳужумчи 2001 йилнинг 1 январидан 2020 йилнинг 31 декабрига қадар миллий чемпионатларда жами 462 та гол урган. Ҳисоб-китобларга кўра, Роналду Португалия (3 та гол), Англия (84), Испания (311) ва Италия (64) чемпионатлари юқори лигасида рақиблар дарвозасини ишғол қила олган.

Янги аср тўпурарлари орасида иккинчи ўринни “Барселона” таркибида 451 та тўп киритган Лионель Месси эгаллади. “Милан” шарафини ҳимоя қилаётган Златан Иброҳимович 379 та гол билан кучли учликдан жой олди.

IFFHS ташкилоти бу рўйхатга XXI асрда миллий чемпионатларда 200 та ва ундан кўп гол урган жами 58 нафар футболчини киритди. Кучли ўнлик билан танишинг:

  1. Криштиану Роналду — 462 гол
  1. Лионель Месси — 451
  1. Златан Иброҳимович — 379
  1. Луис Суарес — 332
  1. Александар Журич — 304
  1. Али Ашфақ — 287
  1. Роберт Левандовски — 285
  1. Самюэль Это’О — 282
  1. Давид Вилья — 280
  1. Мартин Камбуров — 278

 

Фикрлар

Саралаш
Фикр қолдириш учун авторизациядан ўтинг!