Роналду: "Саудия чемпионати МЛСдан яхшироқ"

"Ан-Наср" ўртоқлик баҳсида "Сельта"га қарши майдонга тушиб, 5:0 ҳисобида мағлубиятга учради. Учрашувдан кейин Криштиану Роналду журналистларнинг айрим саволларига жавоб берди. 

"Мен учун Европа футболининг эшиги ёпиқ. Ҳозир 38 ёшдаман ва Европа ҳам ўз сифатини йўқотди. Фақатгина АПЛ кучли. Бу чемпионат бошқалардан анча олдинда". 

"Менинг Саудияга ташрифим бошқа футболчиларнинг ҳам бу ерга келиши учун 100 фоиз муҳим бўлди. Бу факт. Мен "Ювентус"га ўтмасимдан олдин А Серия ўлганди. Туринликлар билан шартнома имзолаганимдан кейин чемпионат қайта тикланди. Роналду қаерга бормасин, катта қизиқиш уйғота олади".

"Саудия чемпионати МЛСдан яхшироқ. Мен Саудияга йўл очдим. Энди ҳамма бу ерга келмоқда", - деди португалиялик ҳужумчи.