Роналду Серхио Рамосга иш топиб берди

Испания чемпионати вакили “Севилья” куни кеча тажрибали ҳимоячи Серхио Рамос клубни тарк этгани ҳақида расмий маълумот чиқарди.

38 ёши футболчи узоқ вақт ишсиз қолмайдиган бўлди. Криштиану Роналду “Реал”да ўзи билан бирга тўп тепган испан футболчисини “Ан-Наср”га келишини истаяпти.

Яқинда “Ан-Наср” клубида спорт директори вазифасига тайинланган “Реал”нинг собиқ футболчиси Фернандо Йерро ҳам Серхио Рамосни Саудия Арабистонига кўчириб келишга бел боғлаган.

AS нашрининг маълум қилишича, саудияликлар машҳур юлдузга кўп миллионли шартнома таклиф қилмоқда.

Манбага кўра, Рамос олдида Туркия ва АҚШда бўлаётган жиддий чорловлар ҳам бор.