Роналду хиёнат қурбони бўлдими?

Жаҳон футболида энг кўп гол урган “Ан-Наср” жамоаси ҳужумчиси ва сардори Криштиану Роналду Саудия Про-лигаси раҳбариятини мамлакатни тарк этишга тайёр экани ҳақида огоҳлантирди.

Португалиялик юлдузнинг бу қарорга келишига чемпионатдаги сўнгги трансферлардан норозилиги сабаб бўлгани айтилмоқда.

Маълумотларга кўра, 41 ёшли тўпурар Саудия Арабистони Суверен жамғармаси (PIF) томонидан ҳужумчи Карим Бенземанинг “Ал-Иттиҳод”дан “Ал-Ҳилол”га ўтказилганидан қаттиқ норози. Чунки “Ал-Ҳилол” сезиларли даражада кучайтирилди, “Ан-Наср” эса, яна эътибордан четда қолди.

Таъкидланишича, Роналдунинг норозилиги тобора кучайиб бормоқда. Португалиялик футболчи ўзини хиёнат қурбонидек ҳис қиляпти ва Саудия Арабистонидаги уч йиллик фаолиятини якунлашга тайёр.