Роналду яна Мессини ортда қолдирди

Криштиану Роналду ЖЧ–2026 саралашида Арманистонга қарши баҳсда (5:0) дубль қайд этди.

Шу тариқа, португалиялик ҳужумчининг Жаҳон чемпионати саралаш босқичларидаги голлари сони 38 тага етди. У яна бир бор Лионель Мессидан (36 гол) ўзига хос устунликни қайтариб олди. Аргентиналик юлдуз ҳам Венесуэлага қарши учрашувда (3:0) рақиб дарвозасига икки марта йўл топганди.

Ҳозирда Роналду саралаш ўйинлари тарихида иккинчи ўринда турибди ва фақат Гватемала форварди Карлос Руисдан (39 гол) бир гол билан орқада қолмоқда.

Рўйхатда тўртинчи ўринни эронлик Али Даеи (35 гол), бешинчи ўринни эса Роберт Левандовски (31 гол) эгаллаб турибди.