Роналду Зидан қўл остида тўп тепади

“Ан-Наср” ҳужумчиси Криштиану Роналду клуб раҳбариятига мурожаат қилиб, бош мураббийликка Зинедин Зиданни олиб келишни сўради.

OK Diario нашрининг маълум қилишича, португалиялик юлдузни ҳамюрти Луиш Каштру билан ишлаш қониқтирмаяпти. Роналду Зидан жамоани янги ютуқларга етаклай олишини таъкидламоқда.

Криштиану Роналду Саудия Арабистонига кўчиб ўтганидан бери ҳали бирорта нуфузли совринни қўлга кирита олгани йўқ.

Португалиялик тўпурар “Ан-Наср” сафида саккизта финални бой берди. Роналдунинг ўзи тўпурарлик маҳоратини намойиш қилаётган бўлса-да, жамоа бир мақсад йўлида бирлаша олмаяпти.