Роналдуга Европага кетишни айтишди

“Ан-Наср” мухлислари жамоанинг Саудия Арабистони Суперкубогида “Ал-Ҳилол”га 1:4 ҳисобида енгилганини жуа оғир қабул қилди.

Риёдликларнинг ягона голини урган Криштиану Роналду учрашувдан кейин жамоадошларига ўз эътирозларини билдирган эди.

Мухлислар ҳам Роналдунинг фикрига қўшилмоқда. “Ан-Наср”нинг ижтимоий тармоқларидаги расмий саҳифасида футбол ишқибозларининг “Бу “Ан-Наср” Роналдуга муносиб эмас”, “Роналду, сендан илтимос, бошқа клубга ўт”, “Криштиану, Европага қайтганинг маъқул, бу ерда барибир сени тушунмаяпти”, “Роналду, Леверкузенга кет, у ерда яхши жамоа бор” қабилидаги изоҳлари кўпаймоқда.

39 ёшли тўпурарнинг клуб билан шартномаси 2025 йилнинг 30 июнигача давом этади. “Ан-Наср” ҳар мавсум учун португалиялик юлдузга 200 миллион евро маблағ тўламоқда. Бундан ташқари, Роналдуга клуб билан шартнома тузгани учун 100 миллион евро бонус ҳам берилган.