Роналдуга қарши ўйинда ПСЖдан кимлар майдонга туша олмайди?

ПСЖ ярим ҳимоячиси Марко Верратти ва ҳимоячи Норди Мукиеле 19 январь куни Ар-Риёд юлдузларига қарши ўртоқлик учрашувида майдонга туша олмайди. Бунга сабаб жароҳатлар, дея хабар беради парижликлар матбуот хизмати.

Вераттининг келаси ҳафтадаёқ майдонга тушиши кутилмоқда, аммо Мукиеленинг аҳволи анча мураккаб. 25 ёшли франциялик футболчи жорий мавсумда барча турнирларда жамоанинг 17 та ўйинида иштирок этган.

Эслатиб ўтамиз, Ар-Риёд терма жамоаси 19 январь куни ПСЖга қарши ўйнайди, учрашув Саудия Арабистони пойтахтидаги "Қирол Фаҳд" стадионида бўлиб ўтади.

Учрашувда "Ал-Насср"нинг янги юлдузи Криштиану Роналду Ар-Риёд терма жамоасини сардори сифатида майдонга бошлаб тушади.