Роналдунинг клуби катта трансферга қўл урди

Криштиану Роналдуни яна икки йил клубда қолишга кўндирган “Ан-Наср” мутасаддилари таркибни кучайтириш ишларини давом эттирмоқда.

TALKSPORT нашрининг ёзишича, шайхлар Лондоннинг “Арсенал” клубидан ҳужумкор футболчи Габриэл Мартинеллини олиб келмоқчи.

Саудияликлар аргентиналик футболчи трансферига 73 миллион фунт миқдорида сармоя йўналтирмоқчи. Агар бу режа иш берса, “Арсенал” ўз тарихида энг катта чиқиш трансферини амалга оширган бўлади.

Аслида “Ан-Наср” раҳбарияти ҳужум чизиғини “Ливерпуль” вакили Луис Диас билан кучайтирмоқчи. Мартинелли захира варианти ҳисобланади.

Трансферлар бўйича экспертлар Англия Премьер-лигасининг бу икки юлдузини Саудия Арабистонига олиб келиш мураккаб жараён эканини таъкидлаяпти. Бироқ ҳозирги замонда катта пул кўп нарсани ҳал қилишини бир неча трансферлар мисолида кўрса бўлади.