Роналду ўзининг суперрекордини яна янгилади

Саудия Арабистони чемпионати 2-туридан ўрин олган «Ар-Риёд» – «Ан-Наср» учрашувида жамоа сардори Криштиану Роналду ўзининг профессионал фаолиятидаги 977-голини урди. 

Беллашув «Ан-Наср»нинг 0:4 ҳисобидаги йирик ғалабаси билан якунланди. Бу ўйин 41 ёшли форвард учун янги мавсумдаги илк учрашув бўлди.

Роналду майдонга 62-дақиқада захирадан туширилди ва 84-дақиқада «Ар-Риёд» дарвозасини ишғол этиб, ҳисобни йириклаштирди.

Ҳозирги пайтга келиб, португалиялик ҳужумчи клублар таркибида 831 та, миллий жамоа сафида эса 146 та гол муаллифи сифатида қайд этилган. Шунингдек, Криштиану жамоадошларига 261 та голли пас берган.

Бу кўрсаткичга етиш учун Криштиану Роналдуга жами 1331 та учрашув керак бўлди. Кўп гол уриш бўйича иккинчи ўринда бораётган Лионель Месси ҳисобида 1166 ўйинда урилган 921 гол ва 418 ассист бор.