Росеньор “Челси”нинг аламли мағлубиятида ким айбдор эканини айтди

“Челси” бош мураббийи Лиам Росеньор Чемпионлар лигаси 1/8 финал биринчи ўйинида “Пари Сен-Жермен”дан 2:5 ҳисобидаги мағлубиятдан кейин фикр билдирди.

- Футболда ҳар қандай тактик қарор таваккалчилик билан боғлиқ: узун пас автогол билан якунланиши мумкин, ҳужумни ташкил қилиш эса қарши ҳужумга сабаб бўлиши мумкин.

Юз берган воқеа учун тўлиқ жавобгарликни ўз зиммамга оламан.

Бизнинг назоратимизда бўлган пайтда рақибнинг кутилган голлар кўрсаткичи (xG) 0,9 бўла туриб, улар беш марта гол ургани жуда хафа қилади. Буни қабул қилиш қийин.

Таҳлил қилиш учун вақт кам — биз “Ньюкасл”га қарши навбатдаги ўйинга, кейин эса ПСЖга қарши жавоб учрашувига тайёргарлик кўришимиз керак.

Хатолар ишончни камайтиради, аммо жамоада салоҳият бор. Биз бошқа айбдорларни изламаймиз, лекин йўл қўйилган хатоларни такрорламасликка ҳаракат қиламиз, - деди Росеньор.

Қайд этилишича,  Париждаги учрашувда мезбонларнинг  xG кўрсаткичи 0,98 ни ташкил қилди, “Челси” эса ўйинни 1,73 кутилган голлар кўрсаткичи билан якунлади.