Рўзиқул Бердиев: Кураш давом этади

Осиё Чемпионлар лигаси 1/8 финал босқичидан ўрин олган “Ал Айн” — “Насаф” жавоб учрашувидан олдин бўлиб ўтган матбуот анжуманида "аждарлар" бош мураббийи Рўзиқул Бердиев иштирок этди. Қуйида унинг фикрлари билан танишиб чиқишингиз мумкин:

- “Биринчи ўйиндан кейин ҳеч нарса ҳал бўлгани йўқ. Кураш давом этади. Биз эртанги ўйин учун яхши тайёргарлик кўрдик. Биз эртага ижобий натижа учун майдонга чиқамиз. Лекин бу осон бўлмайди. Сабаби, рақиб эртага ўз майдонида ўйнайди. Рақибимиз тажрибали ва кучли жамоа. Шунга қарамасдан биз ўз олдимиз қўйган вазифамизни бажариш учун майдонга чиқамиз“.