РПЛ. Ҳожимат Эркинов жамоаси навбатдаги мағлубиятни қабул қилиб олди

Россия Премьер лигаси 16-туридан ўрин олган "Торпедо" - "Крилья Советов" учрашуви ниҳоясига етди. Унда меҳмонлар 2:0 ҳисобида зафар қучди.

Фернандо Костанца 34-дақиқада ҳисобни очган бўлса, Сергей Пиняев иккинчи бўлим бошида орадаги фарқни оширди. Ҳожимат Эркинов ўйинни асосий таркибда бошлаб, тўлиқ ҳаракат қилди.

Шу тариқа, сўнгги поғонадаги москваликлар ҳисобидаги очколар сони 6 талигича қолди. "Крилья" ҳисобида 20 очко мавжуд.