Рубен Аморим: У ҳеч қаерга кетмайди

Рубен Аморим Бруно Фернандешнинг "Манчестер Юнайтед"да қолишини тасдиқлади. 

Аввалроқ, 30 ёшли португалиялик ярим ҳимоячига "Реал" қизиқиш билдираётгани ва эҳтимолий трансфер суммаси 90 миллион фунт стерлинг бўлиши мумкинлиги ҳақида айтилганди. 

Фернандешнинг инглиз клуби билан шартномаси 2027 йилга қадар мўлжалланган ва уни яна бир мавсумга узайтириш мумкин. 

"Йўқ, у кетмайди. Биз Премьер-лигада ғалаба қозонишни истаймиз, энг яхши футболчиларимиз биз билан бирга бўлиши керак. У бизга керак. Шунинг учун, у ҳеч қаерга кетмайди. Бу ерда Бруну ҳақиқатан ҳам бахтли эканлигини ҳис қиламан. У биз нимага эришмоқчи эканлигимизни тушунади. Бундан ташқари, у "Юнайтед" мухлисига айланиб қолди, деб ўйлайман", - деди манкуниаликлар устози.