Рубен Невеш "Интер"га ўтиши мумкин!

Саудия Арабистонининг "Ал-Ҳилол" клуби ярим ҳимоячиси Рубен Невеш фаолиятини Италия А Сериясида давом эттириши мумкин.

Португалиялик футболчининг амалдаги шартномаси 2026 йил ёзида тугайди ва "Интер" вазиятни диққат билан кузатиб бормоқда, деб хабар беради журналист Экрем Конур. Расмий музокаралар ҳали бошланмаган, аммо ярим ҳимоячи клубини ўзгартиришга тайёр ва Европанинг етакчи лигасида яна ўзини синаб кўрмоқчи.

Эслатиб ўтамиз, 2023 йил ёзида "Ал-Ҳилол" Рубен Невешни Англиянинг "Вулверхэмптон" жамоасидан 55 миллион еврога сотиб олган эди. 28 ёшли футболчининг "Transfermarkt" порталидаги нархи 25 миллион евро.