Руни Де Брюйнени танлади

Англия терма жамоаси ва "Манчестер Юнайтед"нинг собиқ ҳужумчиси Уэйн Руни "Ливерпуль" афсонаси Стивен Жеррард билан "Манчестер Сити" ярим ҳимоячиси Кевин де Брюйне ўртасида қиёслаш ўтказди.

- Бу футболчилар бир-бирига ўхшайди. Бироқ, Де Брюйне ҳужумда Стивенга нисбатан бироз устунроқ. Қолган жиҳатларда улар бир хил. Жеррард кўпроқ универсал футболчи эди, аммо ҳужум босқичида Кевин ажойиб ўйин кўрсатади," - дея Рунининг сўзларини келтирди "Goal" нашри.

Эслатиб ўтамиз, Жеррард футболчилик фаолиятини якунлагач, мураббийлик ишини бошлаган. Де Брюйне ҳозирда "Манчестер Сити" сафида тўп тепмоқда. Жорий мавсум якунида белгиялик футболчи "шаҳарликлар" жамоасини тарк этади.